Тожикистон пойтахти Душанбе шаҳри яқинида жойлашган нефть базасида портлаш юз бериши оқибатида 4 киши ҳалок бўлган.
"13 октябрь куни маҳаллий вақт билан соат 18:00да, Москва вақти билан соат 16:00да Рўдакий туманидаги Арбобохун қишлоғида жойлашган нефть базасида портлаш юз берди. Портлашга хавфсизлик техникаси қоидаларига риоя қилинмагани сабаб бўлган", дейилади Тожикистон ИИВ хабарида.
Ушбу ҳодиса туфайли воқеа жойидаги 4 киши ҳалок бўлган ва бир қанча ишчилар жароҳатланиб, шифохоналарга етказилган.
Бу база «Газпром нефть — Таджикистан» томонидан ижарага олингани айтилган.