Россия президенти Владимир Путин Остонага давлат ташрифи билан етиб келди. Яқин кун ичида, яъни 15-16 октябрь кунлари Қозоғистонда Путин ва Қозоғистон президенти Нурсултон Назарбоев билан музокаралар ҳамда МДҲ ва Евроосиё иқтисодий иттифоқининг саммитлари бўлиб ўтади. Путин бундан аввал, 14 октябрда Россиянинг Амур вилоятида қурилаётган “Восточный” космодромига ташриф буюрди.
Россия президенти хорижий давлатларга охирги давлат ташрифини ўтган йилнинг декабрида Туркияга амалга оширган.
Путиннинг Қозоғистонга ташрифининг асосий қисми 15 октябрга белгиланган. Бу куни Россия-Қозоғистон ўртасида олий даражадаги музокаралар бўлиб ўтади. Путин ва Назарбоевнинг бу учрашуви жорий йилдаги 13-учрашуви бўлади. Путин ёрдамчиси Юрий Ушаковнинг айтишича, музокараларда ўтган ҳафтада Қозоғистонга Украина президентининг ташрифи ҳисобга олинган ҳолда Украинадаги вазият муҳокама қилиниши мумкинлигини айтди.
Шунингдек, икки етакчи диққат-эътиборида минтақавий ва халқаро кун тартибидаги долзарб муаммолар бўлади, жумладан Путин ва Назарбоев Москва ва Остонанинг Евроосиё иқтисодий иттифоқи доирасидаги ҳамкорлиги ва Суриядаги вазият бўйича фикр алмашадилар.
Таъкидланишича, музокаралар якунига кўра учта ҳужжат имзоланади.
Эслатиб ўтамиз, Ўзбекистон Президенти Ислом Каримов ҳам МДҲ саммитида иштирок этиш учун 15-16 октябрь кунлари Остонага ташриф буюради.