Ижтимоий тармоқлардан бирининг фойдаланувчиси Ягона интерактив давлат хизматлари порталига мурожаат йўллаб, 20 кун жавоб ололмаганини маълум қилди.
“Ягона Интерактив давлат хизматлари порталига кўчамиздаги 3 ойдан бери ишламаётган светофорни тузатиб қўйиш ҳақида илтимоснома жўнатгандим, - деб ёзади у Фейсбук саҳифасида. – 23 сентябрда мурожаатим қабул қилинган. ИИВга эса 1 октябрда жўнатилган. Орадан 5 кун ўтди. Асосий кунлари дам олиш кунларига тўғри келди. Тушунаман. Яна 1 ҳафта кутайчи, қайси ташкилотга хатим жўнатилгани ҳақида хабар келиб қолар”.
Бу сўзларга изоҳ қолдирган фойдаланувчилар муаммони тезроқ ҳал қилиш учун тўғридан-тўғри масъул ташкилотларга мурожаат йўллаш зарурлигини айтиб ўтишди.
Сурат: Даракчи газетасидан скриншот. 42 сон 15.10.2015й.