Германия канцлери Ангела Меркель Берлин Туркиянинг Европа Иттифоқига кириши жараёнини тезлаштиришга кўмак беришга тайёрлигини маълум қилди, деб хабар бермоқда Reuters ахборот агентлиги.
Бу ҳақда Меркель Истанбулда Туркия бош вазири Аҳмет Довудўғлу билан учрашув якунларига бағишланган матбуот-анжуманида айтиб ўтди.
Қайд этилишича, томонлар Германия ва Туркия ўртасида визаларнинг бекор қилиниши масаласида анчагина ривожланиш борлигини таъкидлаб ўтдилар.
Аввалроқ Европа Иттифоқи мамлакатлари Туркияга ўз ҳудудида суриялик муҳожирларни тўхтатиб туриш учун 3 млрд евро ажратиш имкониятини кўраётганлари маълум қилинганди. Бу ҳақда Германия канцлери Ангела Меркель Анқара билан ҳамкорлик масаласи муҳокама қилинган Европа Иттифоқи саммитидан кейин айтиб ўтганди. Меркелнинг айтишича, Европа давлатлари етакчилари Туркиянинг Европа Иттифоқига кириши жараёнини фаоллаштиришга келишиб олдилар.