Нью-Йоркдаги Ойстер-Бэй бандаргоҳига улкан резина ўрдак сузиб келди. Mashable нашри хабарига кўра, бу улкан ўрдак устрицалар фестивали учун ясалган.
Нашрда қайд этилишича, бу "ўрдакча"нинг вазни 11 тоннага тенг бўлди.
"Эй энг улкан резина ўрдак! Нью-Йоркка хуш келибсан, шаҳар сени кутаётганди", деб ёзилади бу ҳақдаги хабарда.
Ушбу лойиҳа муаллифи нидерландиялик Флоретин Хофман бўлди. У шунга ўхшаш ўрдакни 2007 йилда ҳам ясаганди. Унинг ишларини Гонгконгдан тортиб Сиднейгача бўлган шаҳарларда кўриш мумкин.
"Резина ўрдак чегара билмайди. Сиёсий тақиқларни у назар-писанд этмайди", дейди устанинг ўзи.