Қатар ташқи ишлар вазири Ҳолид ал-Аттия Қатар Сурияга қуролли интервенция амалга ошириши мумкинлигини айтди, деб хабар бермоқда Reuters ахборот агентлиги.
Ал-Аттия CNN телеканалининг араб тилидаги версияси мухбирининг саволига шу тариқа жавоб берган.
Ал-Аттиядан Қатар Сурияда Россия операцияси бошлангандан кейин Саудия Арабистонининг вазиятга ҳарбий аралашуви борасидаги позициясини қўллаб-қувватлаши борасида сўралди. “Биз Сурия халқи ва Сурияни барбод бўлишдан ҳимоя қилиш учун саудиялик ва туркиялик оғаларимиздан ҳар қандай ёрдамимизни аямаймиз”, деб айтди вазир.
Агентлик, шунингдек, ал-Аттиянинг Қатар давлат ахборот агентлиги QNA томонидан чоп этилган фикрини ҳам келтириб ўтди: “Агар қуролли интервенция Сурия халқини тузумнинг бешафқатлигидан ҳимоя қилса, биз буни амалга оширамиз”, деб айтди вазир.
Шу билан бирга, ал-Аттия унинг давлати Сурия ихтилофини сиёсий йўл билан ҳал қилинишини афзал кўришини айтган.
Сурия ТИВ раҳбари ўринбосари Фейсал Макдад ўз навбатида Қатарнинг тажовузига қатъий жавоб берилишидан огоҳлантирди: “Агар Қатар Сурияга ҳарбий аралашув таҳдидини амалга оширса, унда биз буни тўғридан-тўғри тажовуз деб қабул қиламиз. Бизнинг жавоб қатъий бўлади”, деб айтди Макдад.