ИШИДнинг 5 нафар жангариси АҚШ махсус кучлари томонидан Ироқ шимолида асирликда ушлаб турилган 10 кишини озод қилиш бўйича ўтказилган операция давомида қўлга олинди, деб хабар бермоқда Reuters ахборот агентлиги.
Пентагон вакилининг айтишича, қутқарув операцияси ИШИД бандиларни “оммавий тарзда муқаррар қатл қилмоқчи бўлаётгани” ҳақида маълумот пайдо бўлгандан кейин бошланган.
Вакилнинг айтишича, террорчилик гуруҳининг 5 нафар аъзоси қўлга олинган, бироқ у йўқ қилинган жангариларнинг аниқ сонини айтмаган. Пентагонда, шунингдек, операция давомида АҚШлик ҳарбий ҳалок бўлгани маълум қилинди.