Эрон ҳарбий-денгиз кучлари Каспий денгизида Каспийолди мамлакатларидан бошқа мамлакатларнинг ҳарбий-денгиз кучларини киришига йўл қўймайди. Бу ҳақда 25 октябрь куни Press TV телеканалига интервью бераркан, Эрон ҳарбий-денгиз кучлари контр-адмирали Ҳабибуллоҳ Сайёрий айтиб ўтган.
"Эрон Ислом республикаси Каспий денгизидан унга туташ мамлакатлар қатори фойдаланиш ҳуқуқига эга ва бошқа бир мамлакатнинг унга ҳарбий кучларини олиб киришига индамай қараб турмайди ", - деди контр-адмирал.
Ҳабибуллоҳ Сайёрийнинг таъкидлашича, Каспий денгизи ҳар қандай қарама-қаршиликдан, беқарорликдан, гиёҳванд моддалар айланувидан, контрабанда товарлари олиб ўтилувидан ҳоли ва тинчлик ҳамда дўстлик денгизи бўлиши керак.