Киевда сайловчиларнинг овозини сотиб олиш 35 долларгача кўтарилди. Бу ҳақда шаҳар маъмурияти вакили Владимир Бондаренконинг сўзларига асосланиб, ТАСС хабар бермоқда.
«Соломон туманида сайловчиларнинг овозини сотиб олиш авжига чиққан. У ерда битта овозни 800 гривнага сотиб олишмоқда. Бу ҳолат илгари Киевда ҳеч қачон бўлмаганди», — деди Бондаренко брифингда.
Бондаренконинг сўзларига кўра, Киевнинг ўнга яқин туманидан шу каби ҳолат содир этилгани ҳақида 12 та хабар етиб келган.