Америкалик марҳум хонанда Майкл Жексон Forbes журнали танловига кўра, энг бой марҳум юлдузлар рейтингида яна бир бор биринчи ўринни эгаллади.
Қайд этилишича, ўлимидан бери унинг бойлиги 1 млрд долларга ортган. Иккинчи ўринда Элвис Пресли қайд этилган (55 млн доллар).
Бу рўйхатда учинчи ўрин Чарли Браун исмли бола ва унинг Спуни лақабли ити тўғрисидаги Peanuts комикслари муаллифи, карикатурачи-рассом Чарльз Шульцга насиб этди (40 миллион доллар).
Тўртинчи ўринни мусиқачи Боб Марли (21 млн доллар) эгаллаган. Бешликка актриса Элизабет Тайлор (20 млн доллар) якун ясаган.
Ундан кейинги ўринларда Мэрилин Монро, The Beatles гуруҳи вакили Жон Леннон, олим Альберт Эйнштейн, ёзувчи ва мультпликатор Теодор Гейзель, актёр ва жанговар санъат устаси Брюс Ли, актёр Стив Маккуин, актриса Бетти Пейж ва актёр Жеймс Дин жой олган.
Жексоннинг ўлимидан сўнг унинг иккинчи — Xscape номли альбоми чиқарилди, бундан ташқари, Billboard Music Awards’да хонанданинг голограммаси «чиқиш» қилди. Қолаверса 2013 йил октябридан буён унга тегишли 3та вилла сотилди.