Малайзия ҳукумати қошидаги махсус жамғарма "Трансаэро" авиакомпаниясини харид қилиш ёки компания асосида бошқа авиакомпания тузиш ҳақида режа қилмоқда. Бу ҳақда «Коммерсантъ» нашри ёзади.
Россия инвестиция агентлиги президенти Юрий Спиридоновнинг сўзларига кўра, ҳамкорликнинг биринчи варианти сифатида компания акцияларининг 100 фоизи сотилиши, 50 фоиз акция инвесторда қолдирилиб, 50 фоизи Россия инвестиция агентлиги бошқармасига, компаниянинг реструктуризация қилиниши мақсадида берилиши кўрилмоқда.
Иккинчи вариант эса, "Трансаэро" асосида янги компания тузиш ҳисобланади. Манбанинг айтишича, малайзияликлар компания атрофидаги можароларга аралашишни исташмаяпти.
Эслатиб ўтамиз, Россия Транспорт вазирлиги Ҳаво транспорти агентлиги (Росавиация) томонидан сертификати бекор қилингани сабабли “Трансаэро” авиакомпанияси 2015 йилнинг 25 октябридан ўзининг операцион фаолиятини тўхтатди.