Жорий ҳафта ИИВ ходимлари томонидан Наманган шаҳрида 2 нафар йўлтўсар қўлга олинди. Бу ҳақда ИИВ матбуот хизмати хабар бермоқда.
Айтилишича, Мамасоли исмли фуқаро кечки вақтда шаҳар кўчаларидан бирида кетаётганида 2 йигит унинг йўлини тўсиб, қўлидаги сумкасини тортиб олган. Сумка ичида 1 млн сўм пул ва турли буюмлар бўлган.
Фуқаро ички ишлар бошқармасига мурожаат қилганидан сўнг йўлтўсарлар тезлик билан қўлга олинган. Қимматликлар эгасига қайтарилган.
Айни пайтда тергов ишлари давом этмоқда.