Туркия ва Россияда Сурия инқирозига нисбатан турлича қарашлар бор. Аммо бу ҳолатни мамлакатлар ўртасида қарама-қаршилик бор, деб тушунмаслик керак. Бу ҳақда Туркия президенти Ражаб Тоййиб Эрдўғон “Канал 24” телеканалига маълум қилган.
"Биз иқтисодий ва стратегик шартномалар имзолаганмиз. Бизда турли қарашлар бор, аммо уларни қарама-қаршилик, деб талқин қилиш мутлақо нотўғри. Масалан, кўпчилик Россияга нисбатан ғайри муносабатда бўлиб турган бир вазиятда, биз муносабатларимизни илиқ ушлаб турибмиз”, - деб таъкидлаган президент.
Яна у шуни алоҳида таъкидлаганки, “Туркия Россияга ҳаво ҳудудидан фойдаланишга изн бермайди. Россия буни ҳисобга олиб келган ва бундан кейин ҳам ҳисобга олади”.