Украина шарқидаги ихтилоф қурбонлари сони ўт очишни тўхтатиш тартиби кучга киргандан кейин 55 фоизга камайди. Бу ҳақда БМТнинг инсонпарварлик масалаларини мувофиқлаштириш бошқармаси баёнотида айтилмоқда.
“2015 йилнинг сентябрида БМТнинг Инсон ҳуқуқлари бўйича олий комиссари бошқармаси Украина шарқида тинч аҳоли орасида 43 киши ҳалок бўлганини қайд қилди. Бу кўрсаткич жорий йилнинг 16 февралидан 15 августигача қайд қилинган ўртача ойлик кўрсаткич – 95 қурбондан 55 фоиз камроқни ташкил қилади”, дейилмоқда ҳужжатда.
БМТда таъкидланишича, Донбассда ўт очишни тўхтатиш тартибига “умуман олганда амал қилинмоқда”, бироқ эндиликда тинч аҳолининг ҳаётига миналар, портламай қолган снарядлар ва қўлбола портловчи қурилмалар катта хавф солмоқда. Бу портловчи қурилмалар портлаши ҳиссасига сентябрда ҳалок бўлган ва жароҳат олган фуқароларнинг 81 фоизи тўғри келган, дейилмоқда ҳужжатда.