"Реал" жамоаси ҳужумчиси Криштиану Роналду "Лас-Палмас" жамоасига қарши кечган (3:1) ўйиндаги голлардан бирига муаллифлик қилди. Шу тариқа, у "Реал" таркибида 54-жамоага қарши ўйинда гол урди.
Роналду мадридликлар сафида 2009 йилдан бери ўтказган мавсумларида турли мусобақалар доирасида жами 58 жамога қарши ўйинларда майдонга тушган ва улардан фақат 4тасига гол ура олмаган.
У ЕЧЛ доирасида "ПСЖ" ва "Динамо З" жамоалари дарвозасини ишғол эта олмаган. Шунингдек, Роналду клублар ўртасидаги чемпионатда "Крус Асуль" ва "Сан-Лоренсо" жамоаларига қарши ўйинларни голсиз якунлаган.
Маълумот учун, Роналдудан энг кўп гол ўтказган жамоа "Севилья" ҳисобланади - 21та гол. Бу борада кейинги ўринларда "Хетафе" (18 гол), "Атлетико" ва "Барселона" (15тадан гол) жамоалари туришади.