Эрон ҳукумати АҚШ ва Ливан фуқаролигига эга бўлган эркакни ҳибсга олди, деб хабар бермоқда IRIB телеканалига иқтибос келтирган ҳолда Reuters ахборот агентлиги.
Манбалар маълумотларига кўра, қўлга олинган эркак жосусликда айбланмоқда. Хабарда эркакнинг “АҚШ разведкаси ва ҳарбий раҳбарияти билан яқин алоқалари борлиги” айтилмоқда.
Манба эркакнинг исми Низар Закка ва ахборот технологиялари соҳасида ишлашини маълум қилди. Айнан шу одам 18 сентябрда Теҳронда ўтган анжумандаги иштирокидан кейин йўқолиб қолган.
Аввалроқ Эрон суди The Washington Post газетасининг журналисти Жейсон Резайанни жосуслик бўйича жазолаганди. Қайд этилишича, Резайан Эрон президенти Ҳасан Руҳонийга яқин одамлардан бири билан ҳамкорлик қилган. Эронлик сиёсатчининг айтишича, АҚШлик журналист шу тариқа махфий ахборотга кириш имконига эга бўлган.