Бухарестда 31 октябрда тунги клубда содир бўлгандан ёнғиндан кейин 10 мингдан зиёдроқ одам ҳукуматнинг истеъфога чиқишини талаб қилиб намойишга чиқди. Намойишчилар мамлакат бош вазири Виктор Понта, ИИВ раҳбари Габриель Опря ва клуб жойлашган округ раҳбарининг ўз лавозимларини тарк этишларини талаб қилишмоқда, деб хабар берди Associated Press ахборот агентлиги.
Охирги маълумотларга кўра, Бухарестдаги Colectiv тунги клубида портлаш ва ундан кейин чиққан ёнғин оқибатида 32 киши ҳалок бўлди. Қайд этилишича, яна 130 киши ҳанузгача шифохоналарда қолмоқда.
Аввалроқ Руминияда тунги клубдаги ёнғинда одамларни қутқариш учун клубга қайтиб кирган ва ҳалок бўлган, мамлакатда таниқли фотосуратчи ва блогер 36 ёшли Клаудиу Петре билан видолашиш маросими бўлиб ўтгани маълум қилинганди.
Colectiv тунги клубида ёнғин 31 октябрда фейерверклар шоуси пайтида содир бўлган. Кўпчилик одамлар ёнаётган хонада юз берган тиқилинч ва ягона чиқиш эшиги туфайли ҳалок бўлишган.