АҚШнинг 16-президенти Авраам Линкольнга тегишли бўлган қўлёзмалар Нью-Йоркда ким ошди савдосига қўйилди ва 2,213 млн долларга сотилди. Бу ҳақда Heritage Auctions савдолар уйига асосланиб, РИА Новости хабар берган.
Маълум қилинишича, бу қўлёзмалар 1865 йилнинг мартида, Линкольннинг ўлимида 1 ҳафта олдин ёзилган.
1865 йилда ички ишлар вазири Жон Ашер номига ёзилган хатни номаълум бўлиб қолишни истаган киши харид қилди. Матн Линкольннинг иккинчи инаугурация нутқининг якунини ўз ичига олади. Унда сиёсатчининг инаугурация нутқидан (байъат) иқтибослар келтирилган ва унинг имзоси туширилган.
Шу пайтгача хатга Ашерлар оиласи аъзолари эгалик қилган.
Мутахассисларнинг фикрича, ушбу қўлёзма Линкольннинг инаугурация нутқи ифодаланган 5та ҳужжатдан бири бўлган.
Авраам Линкольн 1861 йилда АҚШ президенти бўлган, 1865 йилда у қулликни бекор қилишга қарши бўлган киши томонидан ўлдирилган.
Бироз олдинроқ, Авраам Линкольннинг сочлари тўплами Heritage Auctions савдолар уйида 800 минг долларга баҳоланганди.