Массачусетс университети олимлари ўлчами ва вазни бўйича Ерга ўхшаш, Қуёш тизимига энг яқин сайёрани аниқлашди. Бу ҳақдаги мақола Nature журналида чоп этилди.
GJ 1132b деб номланган бу сайёра Ердан 1,2 баробар каттароқ ва деярли шундай зичликка, яъни 1 куб сантиметрга 6 грамм зичликка эга. Астрономларнинг айтишича, сайёра Қуёшдан 12 парсек (370 трлн километр) узоқликда жойлашган қизил митти юлдуз атрофида жуда яқин масофада айланади.
Қуёшдан митти юлдузгача бўлган масофа келгусида янги сайёранинг кўрсаткичларини ўта катта аниқликда ўлчашга имкон беради.