Apple компаниясининг етказиб берувчиларидан бири бўлмиш Quanta берган маълумотга кўра, Apple Watch 2 “ақлли” соатлари иккинчи чорак якунида чиқарилади.
Apple Watch`нинг биринчи авлоди ўтган йилнинг апрель ойида сотувга чиқарилган эди. Дастлаб Apple Watch соатларини етказиб бериш чекланган эди, аммо Apple уни ишлаб чиқариш ҳамжмини орттиргач, ушбу муаммо бартараф этилди.
Apple компаниясининг тақиб юриладиган янги қурилмаси ҳақида Quanta бўлинмаси бошлиғи Барри Лэм атрофлича маълумот бериб ўтган.
Хитойнинг United Daily News нашри ёзишича, Лэм қурилма қисмлари ва дастурий таъминотнинг янгилангани боис кейинги йилда Apple Watch соатлари сотуви сезиларли равишда ўсишини маълум қилган.
Ҳозирча Apple Watch қурилмасининг янги авлоди ҳақида маълумотлар жуда кам. Июль ойида тарқалган овозаларга кўра, янги моделнинг дизайни аввалгиси билан бир хил бўлади. Фарқли тарафини кучли батарея ва юқори сифатли экранда деб кўрсатишмоқда.