«Реал» президенти Флорентино Перес жамоанинг кейинги бош мураббийи борасида бир қарорга келди, дея хабар тарқатди Mundo Deportivo.
Манбага кўра, Бенитесдан кейин "Қироллик клуби"ни Зинедин Зидан қабул қилиб олади. Ҳозирда Зидан мадридликларнинг ёшлари жамоаси бўлмиш «Кастилья»га мураббийлик қилмоқда.
Хабарда айтилишича, жамоанинг франциялик собиқ футболчиси президентнинг мақсадларини билади. Шу боис у Франция чемпионатидан тушган таклифни рад этди. Зидан жамоани давралар оралиғида эмас, ёзда қабул қилишни истамоқда.
Агар Бенитес мавсум давомида истеъфога чиқариладиган бўлса, Перес Зиданни жамоани бошқаришга кўндиришга уриниб кўриши мумкинлиги айтилган.