Манилада бўлиб ўтган Осиё-Тинчокеани иқтисодий ҳамкорлик саммити аъзолари биргаликда Филиппин миллий кийимида суратга тушишди, деб хабар бермоқда “Интерфакс”.
Мамлакат ва ҳукумат раҳбарлари суратга тушиш олдидан “баронг” деб номланган миллий кийим кийишди. 1993 йилда Сиэтлдаги форумда амалга киритилган норасмий анаънага мувофиқ саммит иштирокчилари мезбон мамлакат миллий кийимларини кийиб суратга тушиши одат тусига кирган. 2009 йилда Сингапурда бўлиб ўтган учрашувда ушбу одатга илк бор амал қилинмаган эди. Ўшанда иштирокчилар одатий иш кийимларида суратга тушишган.
2013 йилда Индонезия президенти Сусило Бамбанг Юдхойоно ушбу анаъанани бекор қилиш таклифини илгари сурган эди.