Украина бош вазири Арсений Яценюк Украинанинг “UA: Первый” телеканалига берган интервьюсида Киев Россияга бошқа кредиторларга таклифлардан ўзгача шартлар тақдим қилмаслигини маълум қилди.
“Асосий шарт – қарзнинг 20 фоизга камайтирилиши, барча қарзларни 4 йилга ўтказиш”, деб айтди Яценюк. Яценюк агар Россия бунга рози бўлмаса, унда Украина “тажовузкор давлатга” қарзни тўлашга тақиқлов қўйиши мумкинлигини айтди.
Украина бош вазири мамлакатнинг расмий вакилларидан энг биринчи бўлиб Москванинг қарзни узишни суриш шартлари бўйича таклифига жавоб берди.
Аввалроқ Россия президенти Владимир Путин G20 саммитида Украинанинг 3 млрд долларлик қарзини 3 йил давомида 1 млрд доллардан Россияга тўлашга рухсат бериш билан реструктуризация қилишни таклиф қилган эди.