Ҳурматли ўқувчилар, эътиборингизга 21 ноябрь куни жаҳонда рўй берган энг асосий янгиликларни такроран ҳавола этамиз.
Париж жоме масжидида ташкиллаштирилган оммавий йиғин бекор қилинди>>
Франция мусулмонлари 13 ноябрь куни Париж терактида ҳалок бўлганларни жума намозида ёдга олишди.
Интернетда Россиянинг Каспий флоти ИШИД позицияларига ракеталар отгани видеоси жойлаштирилди>>
Россия Мудофаа вазирлиги YouTube’даги каналида Каспий денгизидан рус кемаларидан “Калибр-НК” қанотли ракеталари отилгани тасвирланган видеони чоп этди.
Қозоғистон ИИВда WhatsApp’да тарқалган терактлар ҳақидаги хабар ёлғон эканлиги айтилди>>
Шереметьеводаги курд қочқинлари оиласи муҳожирлар учун марказга жўнатилди>>
Шереметьево аэропортининг транзит ҳудудида сентябрдан бери яшаётган суриялик курд қочқинлари оиласи Россия Федерал миграция хизматининг вақтинчалик жойлаштирув марказига юборилди.
Малидаги меҳмонхонада гаровга олинганлар орасида АҚШ элчиси ҳам бўлган>>
АҚШнинг Малидаги элчиси Пол Фолмсби террорчилар томонидан гаровга олинганлар орасида бўлгани маълум қилинди.
Бельгия пойтахтида теракт хавфининг энг юқори даражаси эълон қилинди>>
Бельгия ҳукумати мамлакат пойтахти Брюссел шаҳрида теракт содир этилишининг юқори даражали эҳтимолидан огоҳлантирди.
Reuters: Россия Ливанни уч кунлик ҳарбий-денгиз машғулотлари ўтказиши ҳақида огоҳлантирди>>
Россия Ливан ҳукуматини Ливан фуқаролик авиацияси парвозларига таъсир қилиши мумкин бўлган уч кунлик ҳарбий-денгиз машғулотларини ўтказишни режалаштираётганидан огоҳлантирди.
Манба: денгиз устидаги Ливан ҳаво коридорлари фуқаролик авиацияси учун ёпилди>>
Ливанда фуқаролик самолётлари учун мўлжалланган барча ҳаво коридорлари Москванинг Ўрта Ер денгизида ҳарбий-денгиз машғулотлари бошлаши ҳақидаги огоҳлантириши туфайли уч кунга ёпиб қўйилди.
Хитойда кон шахтасида ёнғин юз бериши туфайли 22 киши ер остида қолмоқда>>
Хитой шимоли-шарқидаги кўмир шахтасида ёнғин рўй берди ва 22 кончи ер остида қолиб кетди.
WSJ: АҚШ Париж терактлари туфайли интернет фойдаланувчиларининг ҳимояланган ёзишмаларини ўқишни истамоқда>>
Оқ уй ва АҚШ конгресси аъзолари Вашингтонга Apple, Google ва Microsoft компаниялари вакилларини чақириб, улардан дастурларнинг фойдаланувчиларига оид ҳимояланган ёзишмаларни ўқиш имкониятини тақдим қилишни сўрамоқчи.
Малида 3 кунлик мотам эълон қилинди>>
Малида 3 кунлик мотам ва 10 кунлик фавқулодда режим ҳолати амалда бўлиши эълон қилинди.
АҚШда араб тилида гаплашгани учун икки йўловчи самолётга чиқарилмади>>
АҚШда Чикагодан Филадеьфияга учмоқчи бўлган икки йўловчи ўз рейсларидан қолиб кетишди. Бунга уларнинг ўзаро араб тилида гаплашишгани сабаб бўлди.
ОАВ: Хитойдаги конда чиққан ёнғин оқибатида 21 киши ҳалок бўлди>>
Шимоли-шарқий Хитойнинг Хэйлунцзян вилоятидаги кўмир конида келиб чиққан ёнғин оқибатида 21 нафар кончи ҳалок бўлди.
Қирғизистон ФВВ қошида зилзила талафотларининг олдини олиш мақсадида махсус ҳисоб рақам очилди>>
Қирғизистон бош вазири Темир Сариевнинг кўрсатмасига мувофиқ Ўш вилоятида содир бўлган зилзила оқибатларини бартараф этиш учун мамлакат фақулодда вазиятлар вазирлигининг жанубий маркази қошида махсус ҳисоб рақами очилди.
Чехия Ироққа 50 тонна граната ва пулемётларни ҳарбий ёрдам сифатида жўнатади>>
Чехия ҳукумати Ироққа ҳарбий ёрдам сифатида жами 50 тонна миқдоридаги граната ва пулемётлар жўнатади.
Эрон ярим йил давомида кунига 1 млн баррел нефть ишлаб чиқаришни йўлга қўймоқчи>>
Эрон нефть ишлаб чиқариш ҳажмини оширмоқчи. РИА Новости нашрида ёзилишича, кейинги 5-6 ойда кунига 1 миллион баррел нефть ишлаб чиқариш йўлга қўйилади.
Бельгияда террорчилик хавфи даражаси юқорилиги боис метро ёпиб қўйилди>>
Бельгия пойтахтида ҳукумат томонидан террорчилик хавфи даражаси юқори деб эълон қилинганидан сўнг метро ёпиб қўйилди.
Қирғизистон бош вазири мамлакатдаги барча мактабларда видеокузатув назорати ўрнатишга кўрсатма берди>>
“Туман акимлари (ҳокимлари) ва қишлоқ кенгаши раҳбарлари мактабларда видеокузатув назорати жиҳозларини ўрнатишни молиялаштириш манбаларини топишлари лозим”, — деди ўтказилган йиғилишда Қирғизистон бош вазири Темир Сариев.
Кэмерон: БМТ Хавфсизлик кенгаши қабул қилган резолюция бутун дунёни ИШИДга қарши бирлаштиради>>
Буюк Британия бош вазири Дэвид Кэмерон БМТ Хавфсизлик кенгаши томонидан қабул қилинган резолюцияни ИШИД террорчилик ҳаракатига қарши бутун дунёни бирлаштирган муҳим лаҳзалар, деб атади.