Қримдаги йирик шаҳарларда электр таъминоти тикланди. ТАСС агентлигининг маълум қилишича, бу ҳақда 22 ноябрь куни республика ҳукумати бош вазири биринчи ўринбосари Михаил Шеремет баёнот берди.
Бугун эрталаб Қримнинг кўпчилик шаҳарлари электр таъминотидан узилиб қолгани хабар қилинган эди.
“Электр етказиб беришда муаммо туғилган минтақаларга электр қувватининг кучли манбалари йўналтирилади”, - ишонтирди у.
Шу билан бирга, Шеремет ярим оролнинг ўзида етарли миқдорда электр ишлаб чиқарилмаётгани боис сув ва электрни вақти-вақти билан узиш давом этишини тан олди.
“Биз бундан қоча олмаймиз. Яқин орада ўчиришлар графиклари аҳолига етказилади”, - тушунтирди у.
