Мадриднинг “Реал” ҳужумчиси Криштиану Роналду жамоа раҳбариятига бош мураббий Рафаэль Бенитесни бўшатиб юбориш чақириғи билан мурожаат қилди, деб хабар бермоқда La Gazzetta dello Sport нашри.
Юлдузли ўйинчи ва бош мураббий ўртасидаги муносабатларни ҳавас қилса арзигудек деб бўлмайди. ОАВларда бир неча бор улар орасидаги можаролар ҳақида маълумотлар пайдо бўлган. Хусусан, испан ОАВлари Роналду ва Бенитес умуман бир-бирлари билан гаплашмасликларини тасдиқлаган эди.
Ўтган ҳафтада Криштианунинг жамоа президенти Флорентино Перес билан Бенитес хусусида суҳбати бўлиб ўтгани ҳақида маълумот пайдо бўлган эди. Роналду Пересга “Бенитесдек мураббий билан “Реал” ҳеч нарса юта олмайди” деб айтган.
21 ноябрдаги “Барселона” билан учрашувдан кейин “қаймоқ ранглилар” 0:4 ҳисобида йирик мағлубиятга учраганларидан кейин португалиялик суперюлдуз Пересга “Ёки мен, ёки Бенитес!” деб масалани дангал қўйди.