Самарқанд вилоят Кенгашининг 56-Жозмон сайлов округи депутати Моҳира Ўтаева жойларда ҳалигача депутатлик сўровларини кўриб чиқиш билан боғлиқ муаммолар учраётганини афсус билан тан олди. Бу ҳақда “Самаркандский вестник” нашри ёзмоқда.
Унинг сўзларига қараганда, тегишли ташкилотларга аҳолининг муаммоларини ҳал қилиш учун йўлланган 5 депутатлик сўровларидан фақат биттасига жавоб олинди.
“Жумладан, Самарқанд вилояти Самарқанд ва Ургут туманлари аҳолисининг Найзатепа, Мирзаобод, Янгиариқ (Самарқанд тумани), Халқобод, Ўкрач, Савғон (Ургут тумани) қишлоқларидан ўтадиган йўлни таъмирлаб бериш ҳақидаги 12 апрелдаги мурожаати асосида тилга олинган туманлар ҳокимларига, Самарқанд ҳокимияти йўл бошқармаси бошлиғига депутатлик сўровлари киритилган эди. Афсуски, жавоб ҳалигача келмади.
Шунингдек, Самарқанд, Тайлоқ ва Ургут туманлари аҳолисининг сўровлари асосида Самарқанд вилоят электр тармоқлари корхонасига ҳам қайтадан киритилди, ушбу туманларнинг айрим маҳаллаларида электр таъминоти суткасига 10 соат билан чегараланган”, - унинг сўзларини келтиради нашр.