2015 йилнинг 20 ноябрь куни “Камолот” ёшлар ижтимоий ҳаракати Яккасарой тумани Кенгаши ташаббуси билан “Тошкент йўловчи вагонларини қуриш ва таъмирлаш заводи” АЖда очиқ мулоқот ва ёшлар бандлигини таъминлаш бўйича ижтимоий-маърифий учрашув бўлиб ўтди.
“Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлар” дастури ижроси юзасидан ташкил этилган ушбу тадбир доирасида Яккасарой туманида жойлашган бир қатор ўрта-махсус, касб-ҳунар таълим муассасалари битирувчиларининг экускурцияси ташкил этилди. Шу билан биргаликда, таълим муассасаларида таҳсил олаётган 80 нафар битирувчига келажакдаги мақсадларини амалга оширишлари учун тавсиялар берилди.
