"Реал" жамоаси бош мураббийи Рафаэль Бенитеснинг маълум этишича, у ва жамоанинг асосий футболчиларидан бири ҳисобланмиш Крииштиану Роналду ўртасида ҳеч қанақа зиддиятлар йўқ.
"Биз бир ягона жамоамиз. Президентнинг илиқ сўзлари ва қўллаб-қувватлови учун миннатдорчилик билдираман. Биз хатоларни кўриб чиқиб, таҳлил қиламиз. Мен вазиятга оптимистик руҳ билан қарайман. Худди мавсум аввалидагидек. Криштиану Роналду кучли футболчи ва "Реал"нинг асосий футболчиларидан бири. Менда у билан ҳеч қанақа зиддият мавжуд эмас", деган у.
Бироз олдинроқ, Роналду жамоа президенти Флорентино Пересга ёки мураббий, ёки ўзи кетиши ҳақида ультиматум қўйгани тўғрисида хабарлар тарқалганди.
Кейинчалик, Перес матбуот анжумани ўтказди ва Бенитес жамоада қолиши ҳамда у билан футболчилар ўртасида муаммо йўқлигини билдирди.