Бухоро суди қарори билан собиқ рафиқасини ўлдирмоқчи бўлган эркак 11.5 йиллик қамоқ жазосига ҳукм қилинди. Воқеа тафсилотлари “Ҳуқуқ” газетасида келтирилди.
Айтилишича, Ботир Йўлдошев ва Дилчиров Рауповалар 1999 йилда турмуш қурган. Уларнинг Қодиржон ва Дилнура исмли фарзандлари бўлган.
Аммо Ботирнинг ичкиликка муккасидан кетиши оқибатида 2009 йилда турмушлари бузилиб кетган.
Шу йили Дилчирой яқинларини ўз уйида тўплаб, туғилган кунини нишонлаётган куни унинг собиқ эри пичоқ олиб келган. Эшикни тақиллатиб, ўзини “участковой Абдулла” деб таништирган, лекин аёл Ботирнинг овозини дарҳол таниган.
Маст эркак эшикни бузиб кириб, қўлида пичоқ билан аёлга ташланган. Тўпланган меҳмонларнинг ёрдами ва тезда етиб келган тиббий ходимлар ҳаракатлари билан Дилчиройнинг ҳаёти сақлаб қолинган.