Францияда парламент ўз овозини бергандан кейин сигаретлар кейинги йилгача “тоза” қутиларда сотилади, деб ёзмоқда The Local нашри.
7 ой аввал қонун лойиҳаси биринчи ўқишда қабул қилинганда парламент қонунга сигарет қутилари борасидаги ўзгартиришларни киритишни таклиф қилди. Қутиларда чекиш соғлиққа зарар эканлигидан огоҳлантирувчи ёзувни бутун Европа Иттифоқидаги каби қолдириш таклиф қилинди. Тузатиш рад этилди ва сигаретлар янги қутиларда кейинги йилнинг майидан сотувга чиқарилади.
Кейинги йилнинг майидан Францияда сигаретлар бир хил ўлчам ва бир хил рангдаги ҳамда бренд номи майда шрифтларда ёзилган қутиларда сотилади. Бундай амалиёт уч йилдан бери Австралияда қўллаб келинмоқда, бунга Буюк Британия ва Ирландияда ҳам амал қилинмоқчи.
Жаҳон соғлиқни сақлаш ташкилоти маълумотларига кўра, Францияда катталарнинг тўртдан бири ва ёшларнинг учдан бири тамаки чекади. Социалистик партия вакили Мишель Делоне Францияда чекувчилар миқдори қолган Европа давлатларига нисбатан ўсаётганини таъкидлаб ўтди. Шу партиянинг яна бир аъзоси Жерард Себанон нейтрал қути ўсмирнинг чекишга истагини камайтириши, чекишни эса камроқ жозибалироқ қилишини айтди.
Аввалроқ Париж ҳукумати сигарет қолдиқларини кўчаларга ташловчиларга 68 евро жарима белгилади.