Испаниянинг "Валенсия" жамоаси Англия терма жамоаси ва "Манчестер Юнайтед"нинг собиқ ҳимоячиси, футболчилик фаолиятини якунлаганидан кейин спорт журналисти сифатида фаолият кўрсатишни бошлаган Гари Невиллни янги бош мураббийи сифатида эълон қилди.
40 ёшли ушбу мутахассис билан 2016 йилнинг 30 июнигача мўлжалланган шартнома тузилган. Невилл янги лавозимида 6 декабрь кунидан бошлаб ишга киришиши мумкинлиги айтилган. Шу куни ЕЧЛнинг 6-тури доирасида "Лион"га қарши учрашув ўтказилади.
Гари Невилл 4-декабрь куни "Месталья" ўйингоҳида янги бош мураббий сифатида таништирилади.
Маълумот учун, Гари Невилл 1992 йилдан 2011 йилгача "МЮ" сафида ўйнаган. Бундан ташқари у Англия терма жамоаси учун 85та ўйинда майдонга тушган.
Эслатиб ўтамиз, ўтган турда "Валенсия" Ла Лиганинг навбатдаги турида "Севилья" жамоасига қарши ўйинда мағлуб бўлгач, бош мураббий ишдан бўшатилганди.
Қайд этиш керакки, "Валенсия" жамоасининг мураббийлар штабига Фил Невилл ҳам киради.