27 ноябрь куни БМТ Бош котиби Пан Ги Мун Россия Федерацияси вакили, дипломат Рашид Холиқовни ўзининг Яқин Шарқ ва Марказий Осиё масалалари бўйича ёрдамчиси сифатида тайинлаган. Айни вақтда Холиқов БМТнинг инсонпарварлик масалалари бўйича мувофиқлаштирувчи бошқармасининг Женевадаги офисига раҳбарлик қилмоқда. Бу ҳақда БМТ Радиоси хабар қилган.
Маълумот учун, Рашид Холиқов 1993 йилдан БМТ тизимида фаолият кўрсатишни бошлаган. У ўтган 22 йил давомида дунёнинг ўнлаб турли мамлакатларида ишлаган. Хусусан, 2004 йилдаги тўфондан кейин Жанубий Осиё минтақасида инсонпарварлик ёрдамларини кўрсатиш бўйича координатор сифатида ишлаган, кейинроқ Ливия, Покистон, Шимолий Корея, Қирғизистон, Озарбайжон ҳамда Сурияда ҳам турли ишларни бажарган.