Австралия бош вазирининг ўринбосари Уоррен Трасс ўтган йили Ҳинд океани устида ғойиб бўлган Малайзия лайнери қидирувларига йўналтирилган кемалар сони 4тага етказилишини айтди. Бу ҳақда Reuters агентлиги хабар бермоқда.
Трасс кемалардан бирини ХХР тақдим этишини қайд қилиб ўтди. Унинг сўзларига қараганда, охирги маълумотлар самолёт қолдиқлари океаннинг жанубий қисмида бўлиши мумкинлигини кўрсатмоқда.
“Биз жанубий ҳудудларда нима қидираётганимиздан ишончимиз комил”, - деди мудофаа вазирининг ўринбосари Даррен Честер.
2014 йил 8 март тунида Malaysia Airlines авиакомпаниясининг Куала-Лумпурдан Пекинга MH370 рейсини амалга ошираётган Boeing 777-200 самолёти бортидаги 227 йўловчи ва 12 экипаж аъзолари билан радарлардан ғойиб бўлди. Йўловчиларнинг кўпчилиги Хитой фуқаролари эди.
Самолёт Ҳинд океанининг жанубий қисмида ҳалокатга учради деб тахмин қилинмоқда.