Сербия бош вазири Александр Вучич машҳур актёр Стивен Сигалдан маҳаллий полициячиларга айкидо жанг санъати сирларини ўргатишини сўраган. Бу ҳақда Daily Mail хабар тарқатган.
63 ёшли актёр айкидо бўйича қора белбоғ соҳиби ҳисобланади. Вазир Сигал билан Белградда учрашиб қолган вақтида шу масала бўйича мурожаат қилган.
"Қачонки, бундай таниқли шахс Сербияга келиб, мамлакатимиз ва халқимизни ёқтиришини маълум қилар экан, биз уни яна кутишимизни билдирамиз", деган Белград шаҳри мэри Синиша Мали.
Қайд этилишича, Сигал Сербияга 3 кунлик ташрифи вақтида "Братья Карич" компанияси томонидан инсонпарварлик ишларидаги кўрсатган хизматлари учун орден билан тақдирланган.
Актёр бундай мукофотни (Россия президенти Владимир Путинга ҳам берилган) қабул қилиб олишдан фахрда эканини билдирган.
Бироз олдинроқ, Стивен Сигал Россиянинг Саратов шаҳрида айкидо бўйича мастер-класс ўтказгани хабар қилинганди.