Маҳаллий курд гуруҳларини ҳарбий тайёргарликдан ўтказиш мақсадида Ироқнинг Найнава вилоятига кириб келган турк ҳарбийларининг сони 900 нафар киши бўлиши мумкин.
Бу ҳақда Sputnik агентлигига вилоят губернатори Науфал ал-Акуб маълум қилган.
“Менинг ахборотларимга кўра, вилоятдаги турк аскарлари сони 900 нафардан кам эмас. Улар Эш-Шейхан шаҳрининг Дад қишлоғида жойлашган”, — деди у.
Унинг сўзларига кўра, мазкур вазият юзасидан Туркия элчиси билан учрашув вақтида суҳбатлашиб олади.