Буюк Британияда христианлик тарафдорлари сони кун сайин камайиб бормоқда, шу боис келажакда у плюралистик давлатга айланиши мумкин. Бу ҳақда The Independent нашри ёзмоқда.
Шу билан боғлиқ равишда экспертлар гуруҳи давлатнинг асосий маросимларини ўзгартиришни таклиф қилмоқда. Тож кийдириш маросими шулар жумласидандир. Шунингдек, лордлар палатасида епископлар сонини қисқартириш, бошқа дин етакчиларига йўл очиш таклиф қилинмоқда.
Икки йиллик тадқиқот натижалари шуни кўрсатдики, айни пайтда британияликларнинг 40 фоизигина ўзларини христиан деб ҳисоблайди. Ислом, ҳиндавий ва сикхий динлари Буюк Британияда энг кенг тарқалган динлар рўйхатида яҳудийликдан ўтиб кетди.
Бундан ташқари, охирги 30 йил ичида атеистлар ва ўзини ҳеч қандай диний конфессияга мансуб деб ҳисобламайдиганлар сони ошиб бормоқда. Агар 1983 йили британияликларнинг учдан бир қисми бундай позицияда турган бўлса, 2014 йилда фуқароларнинг ярми ўзларини атеист ва агностик деб атади.