"Барселона" клуби президенти Хосеп Мария Бартомеу шу йилнинг ёзида бўлиб ўтган клуб президентлиги учун сайловда ўз номзодини қўйган вақтда қилган ишлардан бири Дортмунднинг "Боруссия" жамоаси аъзоси Марко Ройсни Каталонияга олиб келишга уриниш бўлган.
Испаниянинг Sport нашри хабарига кўра, Бартомеу ўшанда германиялик футболчиси ва унинг агенти билан ҳам учрашган. Аммо Ройс "кўк-анорранглилар" сафига ўтиш таклифини рад этган. Буни у Испания гранди сафида ўйнаш учун ўзини етарли даражада лойиқ деб билмаслиги билан изоҳлаган.
Қайд этиш керакки, transfermarkt.de бу футболчига 45 миллион евро нарх белгилаган.
Дортмунд клуби етакчиси бу мавсумда Бундеслига баҳсларида 12та ўйин ўтказиб, 8та гол урган ва 2 голли пасга муаллифлик қилган.