Кувайт апелляция суди 2015 йилнинг июнида Ал-Кувайтдаги имом Содиқ масжидида портлаш уюштиришда айбдор деб топилган ва ўлимга ҳукм қилинганларнинг биридан бу жазони соқит қилди. Бу ҳақда маҳаллий нашрларга асосланиб, Рейтер агентлиги хабар тарқатган.
Хабар қилинишича, бу терактда айбланиб, ўлимга ҳукм қилинган 7 кишидан бирига нисбатан ўлим жазоси бекор қилинган, унга 15 йиллик қамоқ жазоси тайинланган.
Бу иш бўйича судга тортилганлардан 5 нафарига нисбатан иш тўхтатиб турилибди, яна бир маҳкумга нисбатан жазо ўз кучида қолган.
Сентябрь ойида суд бу 7 нафар шахсга ўлим жазосини тайинлаганди.
Масжиддаги терактга алоқадорлиги учун қўлга олинган яна саккиз киши 2 йилдан 15 йилгача бўлган муҳлатларда қамоқ жазоси олган.
Эслатиб ўтамиз, шу йилнинг 26 июнида Кувайт пойтахтидаги Эс-Сабер масжидида портлаш содир бўлиб, 27 киши ҳалок бўлган ва 227 киши жароҳатланганди.
Маълумот учун, бу мамлакат аҳолисининг 15-30 фоизи шиалар ҳисобланади. Бу эса бошқа араб мамлакатлари орасидаги энг юқори кўрсаткичдир.