Воронеж вилоятида жойлашган руҳий касалликлар шифохонасида чиққан ёнғин туфайли ҳалок бўлганлар сони 23 нафарга етган. Қутқарувчилар у ердан охирги икки беморни топишган. Бу ҳақда РИА “Новости” хабар бермоқда.
Аммо шунга қарамай, Россия ФВВ ҳудудий маркази вакилининг маълум қилишича, “ҳалок бўлганлар сони 22 киши, яна бир киши қидириляпти”.
Вилоят клиник маркази вакилининг маълум қилинишича, охирги топилган икки киши Воронеждаги шифохонага жўнатилган.
“Айни дамда 23 киши шифохонага ётқизилган. Улардан икки нафари Воронеждаги шифохонада, бир нафари куйиш марказида, яна бир нафари эса жонлантириш бўлимида”, — деди вакил. Унинг таъкидлашича, сўнгги топилган икки бемор куйишдан қаттиқ жабрланган.