2016 йилнинг 1 январидан Туркманистон фуқаролари маошларининг бир қисмини давлат заёми облигацияларида ола бошлайдилар. Бу ҳақда “Хроника Туркменистана” нашри хабар бермоқда.
Декабрь бошида мамлакатнинг банк тузилмалари, молия бўлимлари, солиқ хизматларига маошларнинг 12 фоизини облигациялар билан тўлаш бўйича кўрсатмалар берила бошланди. Мари вилояти молия бўлимининг вакили амалда раҳбарлар ўз ходимларига кўпроқ сонда облигацияларни ўтказишга ҳаракат қилишларини айтмоқда, шунинг учун қуйи турувчи тузилмаларга “маошнинг 15 фоизи ва ундан кўпроғини облигацияларда бериш” тавсия қилинган кўрсатмалар берилади.
Туркманистон ҳукуматининг бу қарори октябрда қабул қилинган эди. Аҳолидан олинган маблағлар 2017 йилда Ашхободда бўлиб ўтадиган ёпиқ иншоотларда ўтказиладиган Осиё спорт ўйинлари объектларини қуриш ва реконструкция қилишга сарфланиши тахмин қилинмоқда.
Бу Ашхобод томонидан пул сиёсатида киритилаётган биринчи чеклов эмас. Мамлакат ҳукумати хорижий валютага катта эҳтиёж сезаётгани боис, республикада валюта сотиб олиш бўйича турли чекловлар киритилган.