Украина ички ишлар вазири Арсен Аваковнинг Facebook’даги саҳифаси орқали маълум қилишича, вазирлик ходимлари собиқ президентига тегишли архивни топиб олишган.
“Украина миллий полицияси давлат фискал хизмати ва бош прокуратура билан биргаликда махсус операция ўтказиб, унинг давомида Янукович оиласига тегишли архивни қўлга киритди. У собиқ президентнинг шахсий ҳужжатлари, унинг молиявий операциялари, 300дан ортиқ офшор компаниялари муҳрлари ва ҳужжатлари, Танталит ва Мако ҳамда Янукович банклари ҳисоб-китоблари ҳужжатлари, Межгирьедан Хонкагача, Гонгконгдан Швейцариягача бўлган кўчмас мулк эгалиги ҳужжатларининг оригиналларидан иборат эди”, - деб ёзди мансабдор.