Каталониянинг «Барселона» клуби ҳужумчиси Лионель Месси клублар ўртасидаги жаҳон чемпионатининг ярим финалида Хитойнинг «Гуанчжоу Эвергранд» клубига қарши кечадиган учрашувни ўтказиб юборади. Бу ҳақда клуб расмий сайти хабар тарқатмоқда.
Манбанинг ёзишича, 28 ёшли аргентиналик футболчининг буйрагида тош борлиги сабабли оғриқ сезган ва машғулотларни ўтказиб юборган. Тез орада футболчи тиббий кўрикдан ўтказилади.
Эслатиб ўтамиз, Осиё чемпионлар лигаси ғолиб «Гуанчжоу Эвергранд»га қарши учрашувда шунингдек бразилиялик Неймар ҳам жароҳати боис иштирок эта олмайди.