АҚШ президенти лавозимига номзод Дональд Трамп агар сайловларда ютажак бўлса, унда Россия президенти Владимир Путин билан чиқишиб кета олишига ишончи комиллигини айтди, деб хабар бермоқда ABC телеканали.
“Агар Путин мени ҳурмат қилса ва мени ажойиб деб атамоқчи бўлса... Мен буни қабул қиламан, буни давлатимиз учун ҳам қабул қиламан”, деб айтди Трамп.
Трамп “агар Россия билан келиша олсак, бу ижобий натижа бўлади”, деб қўшимча қилди.
“Агар Россия ИШИДни бомбардимон қилмоқчи ва бу курашда бизнинг қўшилишимизни истаса, мен буни тўлиқ қўллаб-қувватлайман”, деб таъкидлаб ўтди Трамп.
Бу орада айнан Трампнинг ўзи Путин унга берган ижобий баҳога изоҳ бериш давомида ўзини “ажойиб” деб атади.