Россия Марказий банки валюта айирбошлаш қоидаларини қаттиққўллаштирди. Эндиликда валюта айирбошлаш бўйича операциялар агарда сумма 15 минг рублдан кўпроқни ташкил қилса, соддалаштирилган тартибда эмас, балки мижознинг шахсини тўлиқ ўрнатиш билан амалга оширилади. Бу ҳақда Россия Марказий банкининг қарорида айтилмоқда.
Энди операцияни амалга ошириш учун мижоз паспортни тақдим қилишдан ташқари, сўровномани тўлдириб, тўлиқ идентификациядан ўтиши керак.
Сўровномада фамилия, исми, отасининг исми, шахсни тасдиқловчи ҳужжатнинг реквизитлари, яшаш манзили, солиқ тўловчининг идентификацион рақами (агар бўлса) ҳамда “кредит ташкилоти ихтиёрига кўра бошқа маълумотларни” кўрсатиши керак бўлади.
Ушбу қоидалар 28 декабрдан кучга киради.
Амалдаги қонунларга кўра, пул воситалари билан операциялар агар уларнинг миқдори 15 минг рублдан ёки хорижий валютада 15 минг рублга тенг бўлган миқдордан ошмаса, мижознинг шахсини ўрнатмасдан амалга оширилиши керак.