Испания чемпионати грандлари ўз футболчилари учун қанча миқдорда маош бериши ҳақидаги маълумотлар аниқланди. Бу ҳақдаги маълумот Marca нашри томонидан келтирилган.
Нашрнинг ёзишича, Мадриднинг "Реал" жамоаси ўз футболчиларига йилига 431 миллион еврони маош сифатида тўлайди. Бу борада иккинчи ўринни "Барселона" жамоаси 421 миллион евролик кўрсаткични қайд этган ҳолда эгаллаган. Шунингдек, энг чиқимдор жамоалар қаторида "Атлетико" жамоаси ҳам бор - 160 миллион евро.