Apple корпорацияси капитализация бўйича жаҳонда 1-ўринни эгаллади. Бу ҳақда The Wall Street Journal нашри маълум қилди.
Жорий йил бошида компаниянинг капитализацияси 640 млрд долларни ташкил қилган, баҳорда 750 млрд долларга етган, бироқ йил охирида IPhone смартфонларига талаб борасида хавотирлар туфайли 600 млрд долларга камайиб кетди.
2-ўринни Google ва Android’га эгалик қилувчи Alphabet холдинги эгаллади, унинг капитализацияси 45 фоизга ошиб, 530 млрд долларгача етди.
3-ўринни эса Microsoft компанияси эгаллади. Нашрнинг таъкидлашича, компаниянинг акциялари 2000 йилдаги, яъни компания дунёда энг йирик компания ҳисобланган ҳолатига қайтди.