Англиянинг «Сток Сити» клуби ҳужумчиси Питер Одемвинги «Манчестер Юнайтед»га қарши «Олд Траффорд»да бўлиб ўтадиган учрашув олдидан рақиб жамоа ҳақида ўз фикрларини билдириб ўтди.
«Ҳозирги «МЮ» – олдин бўлган жамоа эмас. Уларда олдин бўлган машҳур номлар, олдинги даражадаги футболчилар йўқ.
Улар олдингига нисбатан солиштирганда анча имконияти чеклангандек кўринмоқда.
Бу клуб учун бурилиш даври. Уларда керакли ресурс бор. Улар тўғри танлов қилиши ва қийин вазиятдан чиқиб, юқори даражага қайтишга ҳаракат қилиши керак.
Бу клубнинг даражаси анча юқори эди, уларда етакчилар бор эди. Улар етакчиларнинг барчасини йўқотишди. Агар бир авлод йўқотилса, янгисини йиғиш осон бўлмайди.
Ўйлайманки, улар бу вазиятдан чиқиб, қайта тикланишга муваффақ бўлишади», – дея таъкидлади асли Ўзбекистонда туғилган нигериялик футболчи.