Мадриднинг «Реал» клуби футболчиси Криштиану Роналду ўрнатилган тақиққа риоя қилмаган ҳолда Марокашга, ўз дўсти — кикбоксчи Бадр Харини кўриш учун яна бир бор сафар қилди. Бу ҳодиса «Эспаньол»га қарши ўйиндан кейин юз берган.
Хабарда айтилишича, футболчи охирги тур ўйинида амалга оширган хет-тригини дўсти билан нишонлашни истаган.
Қайд этиш керакки, жамоа президенти Флорентино Перес ва бош мураббий Зинедин Зидан унинг Марокашга қиладиган сафарлари жисмоний ҳолатига салбий таъсир ўтказишидан хавотир ва норозиликлар билдириб келишарди.
Ўтган ойнинг иккинчи ярмида раҳбарият «Реал» клуби имижига зарар етказмаслик мақсадида Роналдуга марокашлик дўсти олдига тез-тез бориб туришни тақиқлаганди.