Самарқанд вилоятининг Ургут тумани ҳуқуқ-тартибот муассасалари ходимлари гиёҳванд моддалар сотиш билан шуғулланган бир гуруҳ шахсларнинг қабиҳ ишларига чек қўйдилар. Ўзбекистон Республикасининг амалдаги қонунчилигига кўра, бу жиноятчилар гиёҳванд моддаларни сотиб олиш, тарқатиш, контрабанда қилиш, сақлашда айбдор деб топилиб, Ургут туман суди қарори билан тегишли жазо олдилар.
Маълум қилинишича, айбдор шахслар тожикистонлик номаълум шахслардан гиёҳванд моддаларни кейинчалик сотиш мақсадида сотиб олганлари учун жиноий жавобгарликка тортилдилар.
Судланувчиларнинг барчаси Ургут туманида яшаган, булар: Ф.Холов, М.Сохибов, С.Каримов, К.Эшмахмадов, З.Рахимов, О.Рахимов, Р.Сохибов, У.Мелиқулов.
Холов 2013 йилдаёқ "Хожи" лақабли тжикистонлик билан жиноий алоқага кирган. У 2013 йилда ундан 24 кг опий моддаси сотиб олган. Холов бу гиёҳванд моддаларни катта пулга сотгач, тожикистонликдан яна 10 кг наркотик сотиб олган. Бу сафар у ўзининг таниши М.Сохибовни ҳам бу жиноятига тортган. Сохибов тожикистонликдан наркотикни сотиб олиб, уни Холовга олиб келган. Холов Сохибовга ҳақ сифатида 2 кг опий берган, қолган 8 кгини ўзи сотган.
Ушбу жиноий ҳаракатларга қолган судланувчилар ҳам жалб этилган. Улар бу жиноят билан узоқ вақт шуғулланиб келишган.
Судланувчилардан О.Рахимов и Р.Сохибов Суюн номли яна бир тожикистонликдан катта миқдорда гиёҳванд моддалар сотиб олиб, уни Ўзбекистон ҳудудида пуллашган.
Тергов маълумотларига кўра, гуруҳ 2015 йилда 50 кг гиёҳванд модда сотган.
Жиноий гуруҳ аъзоларининг уйлари тинтув қилинганда 20 кг га яқин опий ва катта миқдорда нақд пул топилган.
Гиёҳвандфурушлар 10 йилдан 15 йилгача қамоқ жазоларига тортилди.